Даунов синдром кај новороденчињата

 

Дауновиот синдром, уште наречен монголизам е конгенитално пореметување со карактеристичен израз на лицето кај заболените деца.

Тие деца, за разлика од останата популација која што има по 46 хромозоми, имаат еден хромозом повеќе- 47 хромозоми. Во 97% од случаите не станува збор за наследна болест ниту пак нејзиното појава се поврзува со животните навики на родителите на детето. Сепак, ризикот за појава на даунов синдром се зголемува со староста на мајката, особено е зголемен доколку мајката е постара од 35 години.

Дауновиот синдром уште се нарекува и тризомија 21. Во клетките постои еден хромозом повеќе, па наместо два имаат три хромозоми-2 хромозома чинат 21 пар а еден е вишок. Дијагнозата се базира на испитување на хромозомите во клетките во крвта на новороденчето.

Но со напредувањето на медицината постои пренатален скрининг тест со кој преку анализирањето на крвта на мајката ги проценува ризиците за појава на даунов синдром кај новороденчето. Доколку ризикот е поголем тогаш трудницата се праќа на понатамошни иследуваења како што е амниоцинтезата.

Новороденчињата со даунов синдром имаат мала глава, широко поставени и коси очи. Носот и устата се мали а исто така и ушните школки кои можат да имаат и неправилен облик. Тонусот на мускулите е помал. Скоро половина од децата родени со даунов синдром имаат вродена срцева маана, па не ретко во првите два месеца од животот на бебето му се прави доплер-ехо на срцето со цел откривање на сите можни неправилност во работењето на срцето. Преку 50% од децата имаат оштетувања на видот и слухот, а околу 10% имаат проблем со стеснети црева и неопходна е итна хируршка интервенција. Исто така, децата родени со даунов синдром во текот на животот имаат потенцијал за развивање на конвулзии различен вид. Нивниот имунитет е често низок па поради тоа се подложни на чести респираторни инфекции, а во најлош случај и леукемија која за нив многу често знае да биде фатална.

Никогаш со прецизност не може да се утврди колкав ќе биде степенот на ментална ретардација кај децата со даунов синдром. Во повеќето случаи станува збор за умерена ментална ретардација, а само кај 10% станува збор за појава на тежок облик на заостанатост. Овие деца успешно успеваат да научат да одат, да говорат, да се облекуваат, сами да ги спроведуваат тоалетните навики но тоа кај нив се случува обично подоцна за разлика од нивните врсници. Со текот на животот кај овие лица е почеста појавата на деменција-прерано стареење ( губиток на помнењето, неспособност за расудување)

За да се овозможи квалететн развиток на овие деца им е потребна работа со дефектолог, логопед и други стручни лица. Благодарение на напредокот во медицината и технологијата општо овие лица доживуваат старост од над 50-60 год. Но порано не било така. Се бележи статистички податок дека во 1929 година просечниот животен век на новороденчињата со даунов синдром изнесувал 9 години.

 

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk