Два случаи на „коксаки“ вирус во градинката „Пролет“ во Козле

Од Општина Карпош денеска соопштија дека две деца кои престојуваат во градинката „Пролет“ во населба Козле, се заболени со вирусот „коксаки“.

Откако матичните лекари го дијагностицирале вирусот, родителите на децата ја известиле управата на градинката „Пролет“, која веднаш за случаите го информирала Центарот за јавно здравје – Одделението за епидемиологија.

Од Општина Карпош наведоа дека е извршена дополнителна дезинфекција во групите каде што престојуваат децата, како и во другите простории на објектот.

– Преземени се сите неопходни мерки за вакви случаи. Покрај тоа, превентивно, според протоколот, медицинско лице – специјалист, изврши прегледи и врз останатите деца и е констатирано дека „коксаки“ вирусот не е проширен кај другите дечиња, соопти Општина Карпош.

Престојот во градинката „Пролет“ се одвива без прекин.

Во текот на изминатата недела, Општина Карпош спроведе тековна, пролетна дезинфекција на сите градинки на територија на Општина Карпош.

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk