Денеска се празнува Велика Сабота-ден на големиот покој

За православните христијани денешниот ден, Велика Сабота, е ден на покојот и ден на Покојникот. Велика Сабота е денот меѓу смртта и воскресението на Исус Христос, меѓу Петок и Велигден, денот што ги спојува распнувањето и радоста.

Позната е како Денот на Големиот Покој и го означува времето кога Христовото тело било во гробот. Овој е втор ден на жалост, тага и молк. Ден на длабоко молчание, созерцание и покој.

Велика Сабота е ден на оплакувањето на Покојникот. Тогаш, Пресветата Богородица и жените мироносици, по погребението, го оплакувале Господа Исуса Христа. Денес се изразува болката, тагата и жалоста на Пресвета Богородица. За верниците, пак, ова е ден на љубовта и благодарноста.

Ова е ден за прославување на неискажливата љубов од Богочовекот кон луѓето. Велика Сабота е ден на исчекување, ден на свештен трепет пред Христовото Воскресение.

Извор: sky.com.mk/

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk