Зошто криенката им е омилена игра на бебињата

Во текот на играта на криење кај децата има и исчекување и изненадување, а преку оваа игра стекнуваат и нови способности.

Ова е дефинитивно една од најомилените игри за бебиња, затоа што стручњаците тврдат дека тие обожаваат кога си играте такашто ќе се скриете па потоа наеднаш ќе им го откриете своето лице.

Своето задоволство го изразуваат со насмевка и гласни извици. Истото се случува и кога ќе им скриете некој предмет, а потоа тие го бараат, што е многу корисно за менталниот развој.

Швајцарскиот психолог Жан Пјаже го нарекол тоа „принцип за перманентност на објектот“ кој помага децата да сфатат дека предметите можат да бидат на некое место иако не ги гледаме таму.

Тие во текот на криењето имаат и исчекување и изненадување, а преку оваа игра стекнуваат и нови способности. Едвај чекаат да го најдат предмет што е скриен, а потоа, тврдат стручњаците, се учат да го препознаат и го контролираат она што го гледаат.

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk