Како да ги обоите Велигденските јајца со природни бои

Боењето со помош на лушпи од кромид на повеќето од нас ни е познато. Но, како природна боја можеме да искористиме и многу други природни состојки и да добиеме интересни и весели бои на Велигденските јајца, на кои децата најмногу им се радуваат.

За да добиете силно жолта боја во еден литар вода ставете три супени лажици куркума и една кафена лажица шафран. Додајте и две лажици оцет и варете ги јајцата на тивок оган малку подолго за да попримат од бојата.

Портокалова боја можете да добиете ако во еден литар вода ставите лушпи од дванаест главици црвен кромид и додадете две лажици оцет.

Црвена боја на лушпите од јајцата можете да добиете ако јајцата ги варите во течноста од конзервираното цвекло, или пак доколку во еден литар вода промешате две лажици оцет и пет лажици црвен пипер при што ќе добиете јајца во светло црвена боја.

Светло зелената боја можат да ви ја овозможат три кесички зелен чај и една рака цветови од лаванда промешани во 800 милилитри вода.

Варењето на јајцата во сад со црвена зелка и неколку замрзнати плодови од боровница може да ја обои лушпата на јајцето во сиво-сина боја.

 

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk