Како да го подготвите најсочното трилече

Сочен десет на чиј вкус никој не останал рамнодушен.

Состојки:

За пандишпан:

  • 6 јајца
  • 300 гр шеќер
  • 1 ќесичка ванилин шеќер
  • 300 гр брашно
  • 1 ќесичка прашок за печиво.

За прелив од млеко:

  • 1 л млеко (3.5% масленост)
  • 750 мл слатка павлака (нематена хопла)
  • 250 мл млеко за кафе (10% масленост).

За премачкување:

  • по желба може готов карамел крем.

Подготовка:

  1. Одделете ги белките од жолчките. Потоа, белките заедно со шеќерот, изматете ги цврсто како шлаг и додавајте ги жолчките една по една, а при тоа не престанувајте со матењето додека убаво се соедини смесата.
  2. Додадете го брашното заедно со прашокот за печиво и измешајте со голема лажица или со жица.
  3. Смесата турете ја во претходно намрсен со путер и набрашнет плех (35х20х6см).
  4. Ставете го да се пече околу 10 минути во загреана рерна на 200 степени, па намалете ја температурата на 180 и печете уште 20 минути.
  5. Печениот пандишпан оставете го да се лади (но не премногу, треба да биде млак), а во меѓувреме измешајте ги сите видови на млеко.
  6. Млакиот пандишпан превртете го врз крпа и во плехот ставете половина од измешаното млеко. Во него, така превртен ставете го пандишпанот и потоа дотурете го останатото млеко.
  7. Пандишпанот оставете го околу 2 часа за да впие од млекото, па исечете го на коцки, покријте го со фолија и ставете го во фрижидер неколку часа за добро да се разлади.
  8. Пред сервирање секоја коцка мачкајте ја со готов карамел.
Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk