Како да направите домашно кантарионово масло

Кантарионот е добро познат лек за разни болести. Расте во пасишта, ливади, и карпести гребени, а цвета од мај до август, во зависност од климата. 

Кантарионовото масло се подготвува од свежа билка. Размерот е 100 г цветови на литар масло.

Се подготвува со ладно цедено квалитетно масло од кое најчесто се препорачува маслиновото.

Оставете ги цветовите да отстојат преку ноќ, а потоа следете ја следнава постапка:

1. Ставете ги во проѕирно стаклено шише и прелијте ги со маслото.

2. Прекријте го шишето со газа и врзете ја со гумичка.

3. Оставете да отстои 40 дена на сонце, повремено проверувајќи дали сите цветови се со маслото.

4. По четириесеттиот ден, добро исцедете го маслото со цвеќето низ газата и притиснете ги цветовите за да пуштат од маслото што го впиле.

5. Соберете го во темни шишенца и затворете ги убаво.

6. Не оставајте го маслото да стои во фрижидер.

Квалитетното кантарионово масло има темна црвена боја, понекогаш со виолетови нијанси.

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk