Лошиот ден не значи дека живееме лошо

Понекогаш, се чувствуваме како да не сакаме да правиме ништо. Таквата состојба често настанува поради стрес, истоштување, неисполнети цели, напорна работа и многу притисок.
Тогаш тешко се мотивираме да направиме нешто, се чувствуваме обесхрабрени и поразени. Ги анализираме работите и се сомневаме во себеси.

Но, не мора да биде така. Како можеме да си помогнеме во таква ситуација?

Треба да сфатиме дека не сме центар на светот – сите имаме тенденција да се ставаме себеси како центар на светот и да ги гледаме работите само од наша перспектива. Но, постојат милион перспективи и милион вистини. Очајувањето мислењето дека лошиот ден или неуспехот се крај на светот нема да ни донесат ништо добро. Треба да сфатиме дека тие работи се случуваат и тие се случуваат секому.

Еден лош ден не значи дека имаме лош живот – Често мислиме дека лошиот ден значи дека сме несреќни и имаме лош живот и така забораваме на сите добри нешта кои ни се се случуваат и ги имаме во животот. Исто така, ако една личност ни дала критика, тоа не значи дека сме некомпетентни. Лошиот ден треба да заврши со одењето на спиењето. Тој не значи лоша недела, месец или лош живот.

Секој ден носи милион можности – Секој ден носи милион можности и секој ден е прекрасен дар кој го добиваме со будењето. Во секој ден можеме да најдеме причина за среќа. Седењето и сожалувањето не ни носат ништо добро. На нас останува да ги најдеме можностите околу себе и да ги искористиме. На нас останува да веруваме во себе и да направиме се што е во наша моќ за да бидеме среќни.

Секој чекор е прогрес – најголемата заблуда која ја имаат луѓето е тоа дека некои чекори не значат прогрес. Но, кога сте насочени кон нешто и сакате да постигнете некаква цел, секој чекор на патот е ваш успех и постигнување. Мотивирајте се себеси да го видите доброто во секој ден и од тоа да научите дека неправењето ништо е најголемата грешка која можете да ја направите. На крајот на животот, ќе се каете само за оние нешта кои не сте ги направиле.

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk