Пет најголеми митови за метаболизмот

Објавено на: Dec 23, 2016 од Мама Силвана

Стареење, дебелина, вежбање погледнете што се влијае на вашиот метаболизам и како може да го одржите на завидно ниво.

Aко мислите дека знаете се за метаболизмот на телото, грешите. Еве ги најчестите митови:

Метаболизмот неминовно успорува со текот на годините

Постојат одредени последици од стареењето против кои не можете ништо да преземете. Но ако редовно вежбате и ги одржувате килограмите под контрола, метаболизмот може да се мери со просечен 20 годишен човек па дури и ако влезете во петтата и шестата деценија.

Сите видови на редовно вежбање може да одржуваат нормален метаболизам

За здрав метаболизам, мускулната маса е нужност. Трчање, возење на велосипед, пешачење во голема мерка влијаат врз одржување на нормален метаболиzам, но најголемо влијание има зголемување на физiчката сила. Мускулите го согоруваат шеќерот, го одржуваат нивото под контрола и спречуваат појава на болести како дијабетес.

Послабите имаат побрз метаболизам

Тежината не ја одредува брзината на метаболизмот, не него влијае само количината на мускулите. Ако сте слаби и сте со мала мускулна маса, големи се шансите метаболизмот да е спор.

Дебелите луѓе немаат голема мускулна маса

Грешка! Луѓето со поголема тежина, ги развиваат своите мускули, иако тоа не се гледа под салото. При слабеење, дебелите луѓе губат и добар дел од мускулната маса, што влијае врз успорување на метаболизмот, правејќи го одржувањето на новата тежина уште потешко.

Физичката активност согорува најмногу калории

Уште една широко-распространета заблуда. Најголем број на калории во текот на денот се потрошени на основни животни процеси дишење, варење, работа на органите. Од друга страна, со вежбањето сме во можност да контролираме колку калории сакаме да согориме.


Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk



Коментари

Би можело да ве интересира и…