Победете ја болката со овие природни лекови

Ве боли глава, заб, зглобовите, мускулите? Олеснувањето од болки многумина прво ќе ја побараат во апчињата, но и храната која секојдневно ја користиме во кујната може да делува како природен, а со самото тоа и здрав аналгетик.

1. Куркума

Куркумата помага во војната против различни видови на воспаление, хроничната болка, болниот грб и мускули, забоболка, артритис, успешно ги обновува ткивата и одличен е за детоксикација, како и за подобрување на целокупното здравје. Можете да ја додадете на сите видови на јадење, но и во чајот и соковите. Најдобро е со куркумата да комбинирате црн пипер, затоа што тогаш има најмногу ефекти.

2. Ѓумбир

Оваа извонредно лековита билка ќе Ви помогне да ја намалите хроничната болка во зглобовите и артритисот. Ѓумбирот можете да го додадете во чајот, манџите и десертите. Некои луѓе се осетливи на ѓумбир, па затоа постепено воведувајте го во исхраната.

3. Чили пиперчиња

За благотворното делување на чили пиперчињата заслужна е главната состојка капсицин, кој ги слаби сигналите дека нешто Ве боли кои телото ги праќа до мозокот. Успешно ја лекува болката во зглобовите, фибромијалгијата, мигрената и главоболката. Доколку можете да го поднесете вкусот, ставете три лажици кајанска пипер во чаша вода и испијте за моментално олеснување.

4.Лук

Забоболка, воспаление на увото и болката која е предизвикана од артритис успешно се лекува со лукот. Три исечкани чешниња додадете во половина шолја маслиново масло и оставете да врие на тивок оган две минути. Исцедете и оставете да поседи во фрижидер до две недели.Така подготвеното масло стоплете го и нежно масирајте ги зглобовите или мускулите. Дали имате воспаление на увото? Тогаш капнете две капки од топлото масло. Доколку Ве боли забот, направете смеса од изгмечен лук и малку сол и нанесете на забот.

5. Каранфилчиња

Забоболката совладајте ја со каранфилче. Најдобро е да се џвака, при што се испушта моќната состојка со аналгетско делување, еугенол. Доколку не можете да го поднесете неговиот остар вкус, направете јак чај од каранфилчиња.

6. Цреши

Црешите се можеби најискусниот аналгетик на листата кој помага кај артритисот, болките во коските и хроничната главоболка. За против воспалително и аналгетско делување на црешата заслужен е антиоксидансот антоцијанин, со кој е богато ова овошје. Антицијанинот ги елиминира ензимите кои го предизвикуваат воспалението на ткивата.

7. Јаболков оцет

Доколку страдате патите од киселини во желудникот, измешајте една лажица јаболков оцет во чаша вода и испијте пред јадење или полека пијте по јадење како би ја избегнале киселината. Јаболков оцет помага во топењето на маснотии и белковини кои предизвикуваат непријатно чувство во стомакот.

8. Боровинки

Тие се најдобар природен лек за лекување и превенција на инфекцијата на уринарните патишта. Полни се со танини, природни органски соединенија кои ефикасно ги отстрануваат бактериите што ја предизвикуваат инфекцијата на уринарните канали.

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk