Природен шејк за отстранување на целулитот

Борбата против целулитот во никој случај не е едноставна. Најдобро е да комбинирате вежби, креми, да пиете многу течности и се разбира, да обратите посебно внимание на исхраната.

За да ги намалите несаканите дупки во бутовите и задникот, на определено време појадокот заменете го со овој вкусен и хранлив антицелулитен напиток.

Потребни ви се: вода, шака спанаќ, половина банана, половина портокал, неколку парчиња ананас, малку цимет.

Сите состојки ставете ги во блендер и матете додека не добиете пијалок.

Зошто токму овие состојки?!

Спанаќот е одличен извор на железо и растителни влакна. Го забрзува варењето и помага при ослободување на штетните материи од организмот.

Портокалот е богат со вода, витамин Ц, влакна и антиоксиданти и добар е за сјај на кожата.

Ананасот има диуретички својства, помага во борба против задржување на течностите во телото и содржи антиоксиданси кои прават кожата да изгледа здраво и затегнато.

Бананата е полна со калиум и е добар извор на витамин Б6 и диетални влакна, витамин Ц, калиум и манган. Исто така, помага против задржување на течностите во телото.

Циметот ја стимулира циркулацијата, а сите знаеме дека целулитот најчесто настанува поради проблеми со циркулација.

Водата е исклучително важна во борба против целулитот, бидејќи ги елиминира штетните материи и акумулираните течности во организмот.

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk