Терајте ги децата да готват со вас

Истражувањето спроведено во истражувачкиот центар Нестле во Лозана ги споредило намирниците кои децата одбираат да ги јадат кога учествуваат во подготвувањето на оброкот со оние за кои се определуваат кога не учествуваат во тоа.
Вкупно 47 родители со деца на возраст од 6 до 10 години, подготвувале оброци од различни намирници како што се похувано пилешко, салата, карфиол и тестенини.
Половина од децата им помагале на родителите во подготвувањето, додека другата половина деца си играле.
„Децата кои готвеле со родителите изеле поголем дел од својот оброк и значително поголема количина зеленчук, а резултатите укажуваат на тоа дека вклучувањето на децата во подготвувањето на оброкот може да помогне во развивање на здрави навики во исхраната и да го зголеми консумирањето на зеленчук кај децата“, вели нутриционистот др. Клазин ван дер Хорст, водач на тимот научници кои го спровеле истражувањето.
Децата кои го подготвувале оброкот со родителите изеле околу 76 отсто повеќе салата, 27 отсто повеќе пилешко, а вкупно внеле околу 25 отсто повеќе калории. Исто така, истражувањето покажало дека помагањето во подготвувањето на оброците ја зголемува самодовербата на децата и создава чувство на гордост.
Исхраната во претучилишните установи обезбедува 70 до 75 отсто од дневните енергетски потреби и претставува коректор на семејната исхрана, а во градинките се организира активнпо учество на децата во подготвувањето на храната, особено од намирници кои децата потешко ги прифаќаат.

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk