Рецепт: Пилешко месо со прелив од кисело млеко

Не заборавајте ја топлата супа како вкусно предјадење во ладните зимски денови.

Потребни состојки:

  • 700 грама бело пилешко месо
  • 3 моркови
  • 50 грама конзервирана пченка
  • 3  помали компири
  • 1 главица кромид
  • 300 грама шампињони
  • 3 јајца
  • 500 грама кисело млеко
  • масло за јадење
  • сол и црн пипер
  • коцка пилешка супа

Начин на подготовка:

Пилешкото месо исецкајте го на коцки и сварете го заедно со коцката супа.

Во друг сад сварете ги морковите и компирот, кои претходно, исто така, сте ги исецкале на ситни коцки. Процедете откако ќе бидат готови.

Во меѓувреме подгответе го преливот. Во уште еден, подлабок сад, скршете ги јајцата, додадете сол и црн пипер и добро изматете ги. На крај додадете го киселото млеко и продолжете со матење додека смесата не стане хомогена.

Во сад на оган налејте масло за јадење и пропржете го кромидот заедно со печурките се додека не заруменат. Потоа додајте ги и претходно сварените состојки и пченката од конзерва. Зачинете по желба. Пржете кратко, а потоа состојките прелијте ги со мешавината од кисело млеко и јајца. Садот ставете го во претходно загреана рерна. Печете се додека преливот не зарумени.

На здравје!

Likes:
0 0
Views:
121
Article Categories:
ХРАНА

Leave a Reply

Your email address will not be published.