Трикови за чистење со кои вашиот дом ќе заблеска

Чистењето на домот може да биде интересно искуство, а вашиот стан да блеска со многу малку труд. Олеснете си ја работата во домот со помош на овие практични совети.

Ви ги претставуваме четирите незаменливи „помошници“ кога е во прашање одржувањето на хигиената.

На прво место е секако сода бикарбоната. Нејзината улога е незаменлива, пред се, во чистењето на закоравените дамки и упорните маснотии. Макотрпното чистење на рерната може да биде минато, доколку се потпрете на моќта на содата. Со прскалка напрскајте малку алкохолен оцет низ внатрешноста на рерната, а потоа посипете сода бикарбона. Оставете да отстои неколку часа и пребришете.

Лимонтусот е вистинско чудо кога станува збор за отстранување на бигорот. За таа цел направете раствор од една кесичка лимонтус и 250 милилитри вода, прелијте го местото каде што има наталожено бигор и оставете да отстои. Ќе се воодушевите од резултатот.

Ефикасно решение за отстранување на остатоците од лепило или селотејп е токму маслото за јадење. Натопете стара платнена крпа со масло и пребришете.

Последен на листата помагатели, но не и помалку значаен е кечапот. Киселините кои се составен дел на кечапот помагаат лесно да се отстранат нечистотиите од санитаријата во домот, металните предмети и накитот. Врз површината која треба да ја исчисите, ставете кечап, добро премачкајте и почекајте барем половина час. Потоа пребришете со крпа или измијте со млака вода.

Likes:
0 0
Views:
21

Leave a Reply

Your email address will not be published. Required fields are marked *