Малата Валерија оперирана, се чувствува добро

Малата Валерија Зафировска од Штип денеска беше оперирана во болницата во Турција. По завршувањето на операцијата, нејзиниот татко на социјалните мрежи напиша:
„ Народе, да сте живи и здрави. Бог ги слушна вашите и наши молитви. Слава Боже! Валерија е ОК, будна без никакви компликации. Бог да ве благослови сите! Бог е голем! Да сте живи и здрави сите што бевте со нас во најтешките моменти! Бог да му даде среќа на професор доктор Мемет Озек“.

Родителите претходно објавија фотографии од девојчето на кои се гледа дека е подготвена да влезе во операционата сала.

Малата Валерија ја дигна на нозе целата јавност кога нејзините родители упатија апел за донации за операција на тумор на мозокот на седумгодишната штипјанка. Јавноста, за кратко време помогна да се соберат неопходните средства и Валерија за неполн месец да замине на операција.

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk