Природни лекови против дијареа

Природните лекови пров пролив брзо се подготвуваат и со паралелна примена на диетална исхрана брзо делуваат.
Во случај на дијареа предизвикана од бактерии и вируси на прво место треба да се обрне внимание на исхраната која треба да содржи намирници кои не се од млечна природа и да се зголеми внесот на течности.

Немасните бистри супи, двопекот, оризот, компирот и бананите се одличен избор.

Многу е корисно да се пие оризова вода, односно водата во која што е варен оризот без никакви дополнителни зачини или масти.

Црното чоколадо е исто така познат лек против пролив. Но немојте да претерувате, доволно е почесто во текот на денот да изедете по две коцки.

Ренданото јаболко е исто така корисно во ваков случај бидејќи е богата со пектин-вид на билен желатин. Најдобар избор во случај на дијареа се киселите јаболки. Пред консумација подобро е јаболката да отстојат околу два часа и да потемнат. Така ќе бидат поефикасни.

Чаеви кои се препорачуваат во случај на акутен пролив се чајот од лист од дуња, лист од капини и чајот од шипка. Особено во летните месеци, кога проливот е причинет од бактерија добредојден е чајот од ѓумбир кој има антибактериски својства.

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk