Задолжителни витамини по 30-тата година

Храната би требало да ги задоволува повеќето од дневните потреби за витамини и минерали. Но, со текот на годините, но и поради консумирањето на јадењата со ниски хранливи материи, тоа станува се потешка задача.

Токму затоа многумина посегнуваат по витамински суплементи.

Суплементите на витамините и минералите во вид на капсули, шумечките таблети и прашоци се добар начин за да го зајакнеме организмот со вредни хранливи материи кои не ги добиваме на други начини низ храната.

Жените во 30-тите години од животот често се фокусирани на превенцијата од стареењето, одржувањето на доброто здравје во текот на бременоста, како и за зголемување на енергијата. Одредени витамини и минерали ни помагаат за постигнување на тие цели па добро е да се интензивира нивниот внес во организмот.

1. Витамини А иЦ
Постојат некои витамини кои го забавуваат процесот на стареење, но и го штитат телото од слободните радикали кои придонесуваат за развојот на многубројни болести на модерниот живот.
Токму затоа секој ден би требало да внесуваме барем 15 мг витамин Е кој го јакне имунитетот, но има и ефект против стареење. Корисно е покрај тоа да земаат барем 75 мг витамин Ц кој помага во апсорпцијата на витаминот Е и го намалува ризикот од срцевите болести.

2. Витамин Б9
Жените кои планираат бременост би требало да го интензивираат внесот на фолна киселина, односно на витаминот Б9 во организмот. Сите жени по 19-тата година би требало дневно да внесуваат барем 400 мг фолна киселина, а бремените жени би требало барем 600 микрограма.

3. Витамин Д и калциум
Дамите во 30-тите години од животот треба да почнат да размислуваат и за превенцијата на болеста како остеопорозата која ги слабее коските. Токму затоа е важно да се почне да се земаат адекватни количини на калциум.
Стручњаците им препорачуваат на жените под 50-тата година од животот да внесуваат 1.000 милиграми калциум секој ден, додека трудниците и доилките би требало да земаат од 1.200-1.500 милиграма од овој важен минерал.
Суплементите на калциум многу често доаѓаат во комбинација со витаминот Д кој ја засилува неговата апсорпција.

4. Железо
Железото е многу важен минерал за женското здравје, а особено за дамите по 30-тата година кои имаат пообилни менструации или се бремени. Недостатокот на железо во телото предизвикува замор, ја зголемува шансата од добивање инфекции и го спречува телото да ја одржува нормалната телесна температура.

Жените би требало да внесуваат минимално 18 милиграма железо дневно, а жените кои се бремени околу 27 милиграма. Треба да се напомене дека витамините А и Ц ја олеснуваат апсорпцијата на железото во организмот па добро е да се комбинираат со овој важен минерал.

5. Магнезиум
Неконтролирано ви се грчат мускулите? Често сте изморени? Можеби на вашето тело му недостасува магнезиум. Овој важен минерал ги регулира контракциите на мускулите, ги регулира правилните отчукувања на срцето и работењето на тироидната жлезда. Секој ден би требало да внесувате 350 милиграма магнезиум, а трудниците 100 милиграма повеќе. До недостаток на магнезиум во телото доаѓа кај лицата кои претерано пијат алкохол, кафе и претерано внесуваат шеќер.

На пазарот често можат да се најдат суплементи на магнезиум во комбинација со калциум и цинк кои ги одржуваат здрави коскеното ткиво и репродуктивниот систем.

Како да ги земате сумплементите:

Во мултивитаминските суплементи обично се застапени витамините А, Б, Ц, Д и Е. Најдобро е да ги земате наутро по појадокот.

Железото е препорачливо да се пие еден до два часа по оброкот и да се зема со некој овошен сок. Витаминот Ц ја подобрува апсорпцијата на железото во организмот.

Калциумот и магнезиумот најдобро е да се земаат со вечерата.

Facebook Comments
Мама365.мк ги задржува сите авторски права. Оваа содржина НЕ смее да се копира, размножува или на било кој друг начин да се дистрибуира без писмено одобрение од мама365.мк. Превземањето може да се врши ЕДИНСТВЕНО со наведување на мама365.мк како извор на содржината, со линк до соодветната содржина поставена на изворната страна www.mama365.mk